Gwybodaeth
Llety rhesymol ar gyfer grwpiau yng nghanol harddwch Eryri, yng Ngogledd Cymru
Canolfan Ozanam, ger Caernarfon yng Ngogledd Cymru yw'r lle perffaith i grwpiau aros er mwyn mwynhau ysblander Eryri a'r arfordir hardd.
Mae gan y ganolfan bum acer o dir, gan gynnwys llyn bychan, gwarchodfa natur a nant.
Rydym yn agos at gestyll, traethau, bywyd gwyllt a threnau stêm.
Mae Canolfan Ozanam, sy'n cael ei rhedeg gan elusen ryngwladol Cymdeithas St Vincent de Paul, yn cyfrannu ei holl refeniw er mwyn rhoi cyfle i bobl sydd heb lawer o fodd ymweld â'r ardal hardd hon.
Drwy archebu llety ar gyfer grwp yn y Ganolfan byddwch yn ein helpu i gynnig y gwyliau gorau erioed i bobl llai ffodus.
Mae digon o le yng Nghanolfan Ozanam ar gyfer hyd at 60 o bobl mewn ystafelloedd sy'n cynnwys dau, tri neu bedwar gwely. Felly dechreuwch drefnu taith ar gyfer eich clwb, gwahoddwch eich ffrindiau, a dewch i gael amser da at achos da.
